“16:00 დავიწყებთ მორიგ მსვლელობას, მიმართულება მსვლელობის დაწყების წინ გაჟღერდება”, – საქართველოს დედაქალაქში შეკრებილი რიონის ხეობის მცველთა განცხადებით, საპროტესტო აქციები მანამ გაგრძელდება, სანამ ხელისუფლება აქციის მონაწილეთა მოთხოვნებს არ გაითვალისწინებს.
შეგახსენებთ, 26 მაისს, საქართველოს დამოუკიდებლობის აღდგენის დღეს, რიონის ხეობის მცველებმა ხალხმრავალი საპროტესტო აქცია დააანონსეს, ხოლო საზოგადოებას მოუწოდეს, რომ “მოვიდნენ ჩვენთან და არა იმ აღლუმზე (ვარლამ გოლეთიანი)”.
აქვე გეტყვით, რომ 24 მაისს რიონის ხეობის მცველები თბილისის პარალიზებით იმუქრებოდნენ იმ შემთხვევაში, თუ მათი მოთხოვნები არ შესრულდებოდა, თუმცა, საბოლოოდ, მხოლოდ ე.წ. მშრალი ხიდის მიმართულებით და უკან მსვლელობას დასჯერდნენ.
ამავე დროს, რუსეთიდან ნამოხვანჰესის საწინააღმდეგო აქციაზე საგანგებოდ ჩამოსულმა ბიზნესმენმა ილია ძოწენიძემ განაცხადა, რომ ვარლამ გოლეთიანმა უთხრა იმის შესახებ, რომ “ბევრი ხალხი არაფერში სჭირდება”.