რიონის ხეობის მცველთა ლიდერმა ვარლამ გოლეთიანმა განმარტა, რომ თავისი გახმაურებული მოწოდებით 26 მაისის დღის მნიშვნელობა არ დაუკნინებია და მისი პროტესტი მხოლოდ ჩინოვნიკებს მიემართებოდა, თუმცა, ვერ განმარტა, რატომ ახსენა ფრაზა “იმ აღლუმზე”.
“26 მაისს ის ჩინოვნიკები გამოდიან, ვისაც ჩვენი პროტესტი მიემართება. ამიტომ, თუ ჩვენ ვეუბნებით მოქალაქეებს, რომ ჩვენი პროტესტი მიემართება იმ ჩინოვნიკებს, ვისი ნაწილის გადადგომასაც ვითხოვთ, სად უნდა იდგნენ ისინი, ვისი სიტყვა უნდა მოისმინონ, მათი თუ იმ ხალხისა, ვის ნაბიჯებსაც აპროტესტებს? აქ 26 მაისის დღის მნიშვნელობის დაკნინებაზე კი არ არის საუბარი, არამედ იმ ჩინოვნიკების მოსმენაზე, ვინც იქ გამოდის და ვინც, ჩვენი აზრით, დამნაშავეა”, – განაცხადა ვარლამ გოლეთიანმა დღეს, 25 მაისს, ჟურნალისტებთან საუბრისას.
ასე განმარტა რიონის ხეობის მცველების ლიდერმა თავისი მოწოდება, რომელშიც მან თქვა: “მოვუწოდებ მოქალაქეებს, 26 მაისს მოვიდნენ ჩვენთან და არა იმ აღლუმზე”.