საქართველოს ეკონომიკისა და მდგრადი განვითარების მინისტრი ნათია თურნავა ენგურჰესის სარეაბილიტაციო სამუშაობს გაეცნო. მინისტრი თაღოვანი კაშხლის დეპარტამენტისა და ადგილობრივი ხელისუფლების წარმომადგენლებთან ერთად, წყალსაცავიდან ლამის ამოღების პროცესს დაესწრო და სადერივაციო გვირაბში მიმდინარე ბურღვა-ცემენტაციის სამუშაოები დაათვალიერა. ენგურჰესის ხუთივე აგრეგატი სადერივაციო გვირაბში აუცილებელი და გადაუდებელი სამუშაოების ჩატარების მიზნით, მიმდინარე წლის 20 იანვარს, გაჩერდა. სარეაბილიტაციო პროცესი 24 – საათიან რეჟიმში მიმდინარეობს. დასაქმებულთა უმავლესობას ადგილობრივები არიან. პროექტის სრული ღირებულება 45 მილიონ ევროს შეადგენს. აქედან, 7 მლნ ევროკომისიის გრანტია, 38 მლნ კი – ევროპის რეკონსტრუქციისა და განვითარების ბანკის საფინანსო რესურსი. ენგურჰესი საერთო ენერგეტიკულ ქსელში მიმდინარე წლის მაისის დასაწყისში უნდა ჩაერთოს.

ნათია თურნავა შეზღუდვების სუბსიდირების კრიტერიუმების განმტკიცებასა და ეტაპობრივად შეზღუდვების მოხსნაზეც გააკეთა კომენტარი ” პირველ ეტაპზე სარესტორნო ინდუსტრიაში, ღია სივრცეების გახსნა ეს არის ევროპაში მიღებული სტანდარტი და პრაქტიკა. ჩვენ ჯერ დავიწყეთ მწვანე აჭარით და შემდეგ იგივე მოდელი გადავიტანეთ სრულიად საქართველოზე. მე ძალიან რომ ეს არ არის სრულფასოვანი ამოქმედება ბიზნესის არც რესტორნების. ყველას ძალიან გვინდა რომ ეს მალე მოხდეს თუმცა არ დაგვავიწყდეს რპმ პანდემია ჯერ არ არის დამარცხებული და ჩვენ ვერ დავუბრუნდებით ერთბაშად 2019 წლის მოცემულობას, იმიტომ რომ ჯერჯერობით ვებრძვით პანდემიას, ასე რომ ეტაპობრიობა არის მთავარი პრინციპი. ჩვენ ვთანამშრომლობთ რესტორნებთან, ვმუშაობთ მათთან ერთად იმისთვის რომ თუნდაც იგივე ტროტუარები რომ იყოს გამოყენებული და ვიცით რომ თბილისის მერიას შესანიშნავი ინიციატივა გააჩნია ამასთან დაკავაშირებით, ვფიქრობ რომ სზვა მუნიციპალიტეტებიც მიბაძავენ.”,-აღნიშნა მან.