ვითარება დაძაბულია ჩხოროწყუში, სადაც აქციას მართავენ ოპოზიციური პარტიების წარმომადგენლები და სამოქალაქო აქტივისტები. აქციის მონაწილეებმა საკრებულოს თავმჯდომარე კობა ჯიქიასთან შეხვედრა მოითხოვეს მედიის თანდასწრებით და 5 წუთი მისცეს ამისთვის, თუმცა, ჯიქია აქციის მონაწილეებთან არ გამოსულა. ამის შემდეგ უკვე აქციის მონაწილეებმა შენობაში შესვლა გადაწყვიტეს, თუმცა ადსგილზე მობილიზებულია პოლიცია და მათ ამის საშუალებას არ აძლევს. შეგახსენებთ, რომ აქცია ჩხოროწყუში დილიდან იმართება, საქმე ეხება რამდენიმე დღის წინ ჩხოროწყუში მომხდარ ფაქტს, რა დროსაც სკოლის მოსწავლეებს მერიის საპირფარეშოები გაარეცხინეს.
მომხდარზე მიმდინარეობს გამოძიება.