„ლელოს“ სამეგრელოს რეგიონული ორგანიზაციის თავმჯდომარე ხელისუფლებას კორუფციულ გარიგებებსა და საქმისადმი გულგრილ დამოკიდებულებაში ადანაშაულებს. ამის შესახებ ალექსანდრე ახვლედიანმა დღეს ჟურნალისტებს განუცხადა, მისი თქმით, ზუგდიდი-ჯვარი- მესტიის ცენტრალური საავტომობილო გზა უკვე წლებია დაზიანებულია და ავტომანქანებს გადაადგილება უჭირთ, თუმცა, ხელისუფლებას ეს პრობლემა დღემდე მოგვარებული არა აქვს. ახვლედიანის თქმით, სამუშაოები დროშია გაწელილი, რასაც ხელისუფლება სპეციალურად აკეთებს, რომ არჩევნების წინ მოსახლეობასთან ქულები დაიწეროს.
“ეს გზა უკვე ორი წელია ამორტიზებულია, აქ ტურისტები მოძრაობენ, პრობლემა ღიად რჩება, მოსახლეობა კი შეშინებულია და ხმას არ იღებს. 2020-ის არჩევნებისთვის დაიწყებენ გაკეთებას, რომ შექმნან ილუზია, თითქოს სამუშაო პროცესი მთელი წელი სტაბილურად მიმდინარეობდა. აქ აშკარად იკვეთება კორუფციის ნიშნები”- განაცხადა ალექსანდრე ახვლედიანმა