ნატოს დღეები 2019-ის ფარგლებში, ზუგდიდში, დადიანების სასახლეთა ეზოში ინტელექტუალური თამაში „რა? სად? როდის?“ გაიმართა, სადაც სამეგრელო-ზემო სვანეთის რეგიონის კერძო და საჯარო სკოლებიდან 250-მდე მოსწავლემ მიიღო მონაწილეობა. ღონისძიება საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის რეგიონულმა წარმომადგენელმა ანა ცანავამ გახსნა.კონკურსის მიზანია ახალგაზრდებში საქართველოს ევროატლანტიკური პროცესისა და ნატოს შესახებ ცნობიერების ამაღლება.
მიმდინარე წელს, ნატოს დღეები განსაკუთრებულად აღინიშნება საქართველოს რეგიონებში, სადაც ნატოსა და ევროკავშირის საინფორმაციო ცენტრის ორგანიზებით 70-მდე ღონისძიება გაიმართება.