მერაბ კოსტავას დაბადების დღეს იხსენებს სოციალურ ქსელ “ფეისბუქზე” აქტიური იუზერი თამაზ ალვანელი და ეროვნული გმირის მიერ მოყოლილ ისტორიას ასაჯაროვებს.
“რაღაცაზე (ვეღარ ვიხსენებ რაზე) კამათი მოსვლიათ მერაბს და თბილისის მილიციის უფროსს (თუ არ ვცდები რომან გვენცაძე იყო) და ბოლოს კამათი სანაძლეოში გადაზრდილა…მერაბს უთქვამს, თუ მე წავაგე მილიციის ქუდს დავიხურავ, თუ შენ წააგე საქართველოს დროშა შეიბნიე პიჯაკზეო.
მერაბმა მოუგო სანაძლეო და ვკითხეთ, თუ შეასრულა სანაძლეოს პირობაო და გვიპასუხა – ნაწილობრივ შეასრულა, პიჯაკის საყელოს შიგნითა მხრიდან აქვს დროშა შებნეულიო…”, – იხსენებს თამაზ ალვანელი.
შეგახსენებთ, 26 მაისი, საქართველოს დამოუკიდებლობის აღდგენის დღესთან ერთად, მერაბ კოსტავას დაბადების დღეცაა.