გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე პრეზიდენტის გერმანიის საელჩოში სტუმრობის შესახებ ინფორმაცია არასწორად გააშუქა.
საელჩო გავრცელებულ განცხადებაში ტელეკომპანიას ფაქტებზე დაფუძნებული ინფორმაციის გავრცელების მნიშვნელობაზე მიუთითებს.
„პრესის თავისუფლება და ფაქტებზე დაფუძნებული ინფორმაციის მიწოდება დემოკრატიული საზოგადოების ქვაკუთხედს წარმოადგენს“, — ნათქვამია გერმანიის საელჩოს განცხადებაში.
დიპლომატიური უწყება მოუწოდებს მედიას, დაიცვას ჟურნალისტური სტანდარტები და საზოგადოებას გადამოწმებული ინფორმაცია მიაწოდოს.
ფაქტების გადამოწმება: გერმანიის საელჩოში საქართველოს მეხუთე პრეზიდენტის სტუმრობა რუსთავი 2-ის მიერ არასწორად იქნა წარმოდგენილი.
მსოფლიოს მასშტაბით დიპლომატების ერთ-ერთი ძირითადი ამოცანაა ყველა პოლიტიკურ და სამოქალაქო აქტორთან ღია დიალოგის გზით ინფორმაციის მიღება ადგილზე არსებული მდგომარეობისა და პროცესების შესახებ. ეს საქართველოშიც უნდა იყოს შესაძლებელი.
Rustavi 2 • რუსთავი 2 პრესის თავისუფლება და ფაქტებზე დაფუძნებული ინფორმაციის მიწოდება დემოკრატიული საზოგადოების ქვაკუთხედს წარმოადგენს. ჟურნალისტებისთვის აუცილებელია ინფორმაციის ზედმიწევნით გადამოწმება. არასწორი ინფორმაციის მიზანმიმართული გავრცელება ხელს უშლის საზოგადოებრივ დისკურსს და ორმხრივ ურთიერთობებს საქართველოსა და გერმანიას შორის”.- წერია გავრცელებულ განცხადებაში.