,,ფუფუნება ხალხის ხარჯზე. ზუგდიდის მაჟორიტარმა დეპუტატმა “ქართული ოცნებიდან”, მშობლიულ ქალაქში კომფორტული სამუშაო სივრცის მოწყობა დაიწყო”. – ამ სათაურით აქვეყნებს ,,მთვარი არხი ” ჟურნალისტ ემა გოგოხიას ინფორმაციას დეპუტატის მიერ სამუშაო ოთახისთვის ძვირადღირებული ავეჯის დაკვეთას დედაქალაქის ერთ-ერთი ცნობილი ავეჯის სახლისთვის

ირაკლი ჩიქოვანისთვის უკიდურესი ეკონომიკური კრიზისი არ აღმოჩნდა საკმარისი, რომ ბიუჯეტის თანხები სულ მცირე კაბინეტის გასაახლებლად არ დაეხარჯა. “ოცნების” დეპუტატმა სამუშაო ოთახისთვის ძვირადღირებული ავეჯი დედაქალაქის ერთ-ერთ ცნობილ ავეჯის სახლს შეუკვეთა. ხელშეკრულება უკვე გაფორმებულია და მალე ავეჯი დანიშნულების ადგილზე იქნება.

საოფისე სკამი – 1140 ლარი, 6 სკამი სტუმრებისათვის – 2100 ლარი, საოფისე მაგიდა – 2555 ლარი, კარადა 2000 ლარი, ჯამში 7800 ლარის ღირებულების საოფისე ავეჯმა, რომელიც ირაკლი ჩიქოვანმა მაღაზია “ბელუქსში” პირადად შეარჩია, ზუგდიდის ახალი ბიურო, კონკრეტულად კი მაჟორიტარის კაბინეტი უნდა დაამშვენოს.

ჩიქოვანის ბიუროს წარმომადგენლები, რომლებიც ახლა პარტიის ოფისში მუშაობენ, ავეჯის ფასზე არ საუბრობენ, მაგრამ ამბობენ, რომ ახალი ბიუროსთვის ავეჯის შეძენაში გასაკვირი არაფერია.