ზუგდიდის დემოკრატიული ჩართულობის ცენტრში „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) შეხვედრა გამართა. შეხვედრის მიზანი იყო დაინტერესებული პირებისთვის მიეწოდებინათ ინფორმაცია საარჩევნო პროცესებთან დაკავშირებული გამოწვევების შესახებ სოციალურ მედიაში, კერძოდ, საარჩევნო პერიოდში ამომრჩეველთა ცნობიერებაზე ზეგავლენის მოხდენის მიზნით ანონიმურად და ორგანიზებულად მიმდინარე დისკრედიტაციის კამპანიების შესახებ.
შეხვედრაზე ასევე განიხილეს „სამართლიანი არჩევნების“ მიერ გამოვლენილი კრემლისტური საინფორმაციო კამპანიების ფარგლებში განხორციელებული ოპერაციები საქართველოში, მათი მიზნები და მომდინარე საფრთხეები სოციალურ მედიაში.