,,ევროპული საქართველოს“ ზუგდიდის მაჟორიტარი დეპუტატობის კანდიდატმა გიგი უგულავამ ზუგდიდში საარჩევნო კამპანია ოფიციალურად დაიწყო. უგულავას თქმით, ის ერთვება ბიძინა ივანიშვილის წინააღმდეგ ბრძოლაში და სწორედ ზუგდიდიდან უნდა დაიწყოს ოლიგარქის დამარცხება. ევროპული საქართველოს კანდიდატი ასევე გამოეხმაურა რომან გოცირიძის განცხადებას, მეორე ტურთან დაკავშირებით, სადაც გოცირიძის თქმით, კარგი იქნება უგულავას და ენმ-ს კანდიდატის დაპირისპირება, რა დროსაც გაიმარჯვებს ენმ-ს კანდიდატი, უგულავას განცხადებით, ის სხვა კანდიდატებთან დაკავშირებით კომენტარს არ აკეთებს, რადგან მისი თქმით, ის არის ოპოზიციის მთავარი კანდიდატი ზუგდიდში.
ცნობისთვის, პარტია ,,ევროპულმა საქართველომ“ ზუგდიდში მაჟორიტარობის კანდიდატად გიგი უგულავა გუშინ დაასახელა, ასევე ცნობილია რომ სამეგრელოს სხვა ოლქებში – ფოთში, სენაკსა და ხობში გიგა ბოკერია , ხოლო წალენჯიხა- ჩხოროწყუ-მარტვილსა და აბაშაში ლელა ქებურია იბრძოლებენ.