სამეგრელო-ზემოსვანეთის სახელმწიფო რწმუნებულმა ალექსანდრე მოწერელიამ, ზუგდიდის ტექნოპარკში საზოგადოებას 2019-2020 წლის ანგარიში წარუდგინა. სახელმწიფო რწმუნებულმა იმ მსხვილ ინფრასტრუქტურულ პროექტებზე ისაუბრა რისი განხორციელებაც ორი წლის განმავლობაში მოხდა.ალექსანდრე მოწერელიას განცხადებით ორი წლის განმავლობაში სამეგრელო-ზემოსვანეთში 3000-მდე ინფრასტრუქტურული პროექტი განხორციელდა.
სამეგრელო-ზემო სვანეთის გუბერნატორი ალექსანდრე მოწერელია აღნიშნულ თანამდებობას 1 აგვისტოდან აღარ დაიკავებს. მან პოსტიდან წასვლის შესახებ განცხადება დაწერა. ახალი გუბერნატორის შერჩევამდე პოსტს მისი პირველი მოადგილე მალხაზ თორია უხელმძღვანელებს. მოწერელია “ქართულმა ოცნებამ” მაჟორიტარობის კანდიდატად წალენჯიხის, ჩხოროწყუს, მარტვილისა და აბაშის საარჩევნო ოლქებში წარადგინა.