ზუგდიდის დემოკრატიული ჩართულობის ცენტრი, რომელიც შეხვედრების, სემინარებისა და დისკუსიების გასამართად პოლიტიკურად ნეიტრალურ სივრცეს სთავაზობდა დაინტერესებულ პირებს, ოთხი თვის განმავლობაში დახურული იყო. ჩვენმა გადამღებმა ჯგუფმა ცენტრის ხელმძღვანელთან, ეკა მინჯორაიასთან ერთად ოფისის კარები პირველებმა შევაღეთ.
როგორც ირკვევა, კორონავირუსის გავრცელების პრევენციის მიზნით ახალი სტანდარტები და რეგულაციები შემუშავდა, რომლის შესახებაც ცენტრის ხელმღვანელი გვიამბობს.
ამ სივრცეს ყველაზე ხშირად წინასაარჩევნო პერიოდში, არჩევნებში მონაწილე პარტიები, სუბიექტები და მათი მხარდამჭერები იყენებდნენ. ამჟამად მოახლოებული წინასაარჩევნო მარათონის ფონზე, ყველა მათგანს განსხვავებული წესების დაცვა მოუწევთ.
ცენტს ღია სივრცე გააჩნია, სადაც შეხვედრებისა და აქტივობების ორგანიზება- მოწყობა უსაფრთხოების მიზნით, დაცული იქნება. ასევე, ეს ადგილი, ყველა იმ სტანდარტს აკმაყოფილებს, რაც ამ პერიოდში აუცილებლად გასათვალისწინებელია.