სვანეთში სოფელ ხაიშთან დილიდან ისევ განახლდა ხანძრის 4 აქტიური კერიდან მესამე კერის სალიკვიდაციო სამუშაოები და უკვე 3 კერა ლოკალიზებულია. კერებთან სახანძრო-სამაშველო ტექნიკა მუშაობდა და აქტიური სალიკვიდაციო სამუშაოები განხორციელდა. მეოთხე ლოკაციაზე, რომელიც რელიეფურად ყველაზე რთულად მისადგომია, საჰაერო ძალა მუშაობს. ხანძრის სალიკვიდაციო სამუშაოებში სულ 4 ვერტმფრენი და 200 მეხანძრე-მაშველია ჩართული. მესტიაში, სოფელ იდლიანის ტყეში ხანძარი ოთხი დღის წინ გაჩნდა.
შსს- ს საგანგებო სიტუაციების მართვის სამსახურის ცნობით ამ დროისთვის, ადგილზე სიტუაცია კონტროლს სრულად ექვემდებარება და გრძელდება აქტიური სალიკვიდაციო სამუშაოები. სოფლის რწმუნებულის თქმით,ზარალი საკმაოდ დიდია. პირველადი ინფორმაციით დამწვარია 20 ჰექტრამდე ტყის მასივი.