ფოთში მომხდარი მკვლელობა არსებული ინფორმაციით, ე.წ. ქურდულ გარჩევას უკავშირდება.44 წლის მამაკაცი ჯერ სცემეს, შემდეგ კი ესროლეს. მოკლულს ორი ცეცხლნასროლი ჭრილობა აქვს მიყენებული.სად და ვისთან მოხდა დაპირისპირება უცნობია, თუმცა სავარაუდოდ, კონფლიქტი ჯერ სხვაგან დაიწყო,შემდეგ კი უგონო მდგომარეობაში მყოფი მამაკაცი ნაგავსაყრელთან მიიყვანეს, სადაც ის ადგილობრივმა იპოვა.
ვაჟა ტყებუჩავა სიცოცხლესთან შეუთავსებელი დაზიანებებით საავადმყოფოში მიყვანამდე გარდაიცვალა. ცხედარი ქუთაისში, ექსპერტიზაზეა გადასვენებული, სამართალდამცველებს კი ამ დრომდე არავინ დაუკავებიათ. პოლიციამ სხვადასხვა ობიექტიდან ამოღებული სათვალთვალო კამერების ჩანაწერები უკვე დაათვალიერა და საქმე განზრახ მკვლელობის მუხლით აღძრა.