აფხაზეთიდან დევნილი 29 წლის ნიკა ბართავა გარემოს დამცველი მოხალისეა. ეკო-აქციებში მას შემდეგ მონაწილეობს, რაც ორგანიზაცია „საუნჯეში“ ამ მიმართულებით მსგავს აქციებში ჩაერთო და შმდეგ უკვე ჩვევად ექცა.ახლა უკვე სამეგრელოს ტურისტულ რეგიონებში დაბინძურებულ ადგილებს საკუთარი ძალებით ასუფთავებს. პანდემიის დროს ფოთში, მეგობართან ჩასულს კოლხეთის ტყე-პარკში დანაგვიანებული დახვდა და იქაურ მოხალისეებთან ერთად ტერიტორია დაასუფთავა.ნიკას ბუნება ძალიან უყვარს , პროფესიით კრიმინალისტ-ფოტოდაქტილოსკოპისტია, გარდა იმისა, რომ მცენარეებს უვლის, ძველ ნივთებს ახალ სიცოცხლეს სძენს და სხვადასხვა აქსესუარებს ქმნის, ბაღის გაკეთების იდეაც ბუნების სიყვარულმა გადააწყვეტინა. ამბობს, რომ ყველა სეზონს თავისი ხიბლი აქვს. სანამ აფხაზეთში დაბრუნდება, ნიკას სურვილია ეს ბაღი ზღაპრულ ოაზისად აქციოს და აქ მოსულმა თითოეულმა ადამიანმა თავი კომფორტულად იგრძნოს და დასვენების გარდა, აკეთოს ის საქმე, რაც მას მოესურვება, მხოლოდ ერთი პირობით, ყველა სტუმარმა აქ მწვანე კვალი უნდა დატოვოს.
აფხაზეთიდან დევნილი 29 წლის ნიკა ბართავას ძველი ნივთების ახალი სიცოცხლე და მწვანე კვალის ისტორია [Video]
Published on