ენგურის ხიდი საოკუპაციო რეჟიმის გადაწყვეტილებით დღეიდან ორი დღით იხსნება და გადასვლა იმ ადამიანებისთვის იქნება შესაძლებელი, რომლებიც აფხაზეთში ცხოვრობენ.
დილიდანვე ენგურის ხიდზე გადამსვლელთა რიგებია. მათ საქართველოს ხელისუფლების კონტროლირებად ტერიტორიაზე თერმოსკრინინგს უტარებენ, რის შემდეგადაც გადასვლის უფლება ეძლევათ.
ოკუპირებული აფხაზეთიდან ზუგდიდის მიმართულებით გადაადგილება ამ დრომდე აკრძალულია, მხოლო იმ პირებს ეძლევათ გადაადგილების საშუალება ვისაც სამედიცინო მომსახურება სჭირდება ან ენგურჰესის თანამშრომელია.