წალენჯიხის მუნიციპალიტეტში, სოფელ მიქავაში ავტოსაგზაო შემთხვევა მოხდა, რის შედეგადაც 50 წლამდე ქალი გარდაიცვალა. არსებული ინფორმაციით, მძღოლი ბორდიურს შეეჯახა. დაშავებულია რამდენიმე მგზავრი, მათ შორის 6 წლის ბავშვი. მცირელოვანი ზუგდიდის რეფერალურ საავადმყოფოშია გადაყვანილი, სადაც ექიმის ინფორმაციით კვლევები უტარდება. მისი ზოგადი მდგომარეობა სტაბილურად მძიმეა.
მომხდარზე გამოძიება 276-ე მუხლის მეექვსე ნაწილით დაიწყო, რაც ტრანსპორტის მოძრაობის ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.