ნინო ხაზალია, თვითნასწავლი ხელოვანი, რომელმაც ჰობი შემოსავლის წყაროდ აქცია. ის ხელნაკეთ სამკაულებს აკეთებს, როგორც თავისი, ასევე მომხმარებლის იდეებითაც, რომელსაც შემდეგ ფეისბუქ გვერდის საშუალებით ყიდის. ნინოს ხელნაკეთი სამკაულების გაკეთება ბავშვობიდანვე იზიდავდა, თუმცა შვილის შეძენის შემდეგ სერიოზულად მოჰკიდა ხელი ამ საქმიანობას. ნინოს თქმით, ეს საქმიანობა მისთვის ერთგვარი განტვირთვის საშუალებაა. ნინოს მეგობრების იდეა იყო ფეისბუქ გვერდის გახსნა, საიდანაც შეძლებდა თავისი ხელნაკეთი სამკაულების გაყიდვას.
ნინო თითქმის ყველაფერზე მუშაობს, ეს იქნება ბარხატი, თექა თუ მძივები. ის თავისი ხელით აკეთებს სამაჯურებს, თმის ბაბთებს და სამაგრებს, გულსაბნევებს და ბრელოკებს. ხელნაკეთი სამკაულების დასამზადებელ მასალას კი ინტერნეტიდან იწერს.