ინგირში მცხოვრები აფხაზეთიდან დევნილი ევტეხი რატიანი თვითნასწავლი მხატვარია, რომელიც ბავშვობიდანვე ხატავს. ის ძირითადად ფანქრებს და გუაშს ხმარობს, ყველაფრის დახატვა შეუძლია რაც მოეწონება ან აჩვენებენ, თუმცა თავისი იდეებითაც ხატავს. აქვს რამდენიმე კომიქსების ჩანახატი და ამ მიმართულებით მომავალში უფრო მეტის გაკეთება სურს. ევტეხი კედლის მოხატვითაცაა გატაცებული, ესკიზებს თვითონ ქმნის, შემდგომ ფორმების გამოკვეთაში მამა, ლუკა რატიანი ეხმარება. მისი თქმით, მას შეუძლია 2D ნამუშევრების შექმნაც.
ევტეხის მამის თქმით, ევტეხი ბავშვობიდანვე იყო გატაცებული ხატვით, თამაშის ნაცვლად ხატავდა და მთელი დღეები ასე ერთობოდა.
ევტეხი ჯანსაღი ცხოვრების წეს მიჰყვება, კინბოქსზე დადის, ხოლო ყოველ დილა ვარჯიშობს. პანდემიის დროს დაწყებული საქმე – კედლის მხატვრობა მომავალში ბიზნესად უნდა გადააქციოს და მისგან შემოსავალი მიიღოს.