პანდემიის პირობებში  ადამიანების ცხოვრების სტილი საგრძნობლად შეიცვალა. მოსახლეობის უმეტესობას სახლში მოუწია  ყოფნა,  მათ შორის ბავშვებსაც, რომელთაც  ამ ფონზე შეეზღუდათ ფიზიკური აქტივობისთვის საჭირო არეალებზე წვდომა და ჩამოშორდნენ მეგობრებს. ეს პერიოდი  ბავშვებმა სულ სხვანაირად აღიქვეს და თავიანთი თვალით დანახული ვირუსების ჩანახატებიც შექმნეს. ამ კატეგორიას მიეკუთვნება  9  წლის ლადო ხუხია,  რომელმაც  ხატვა პანდემიის დროს  დაიწყო  და  ემოციები ქაღალდზე გადმოიტანა.ლადოს თქმით,  ყველაზე მეტად მეგობრები ენატრება, მათთან სათამაშოდ ვერ დადის, ამიტომ თვითონ იგონებს  ან დედას ეთამაშება.ამ კრიზისულ პერიოდში,  პატარებმა ემოციების გამოხატვის სხვადასხვა გზა აირჩიეს, ყველაზე კარგად ისინი პანდემიას ფერებში ხედავენ.