საქველმოქმედო-ჰუმანიტარული ცენტრი ,,აფხაზეთი“ ზუგდიდის მუნიციპალიტეტის სოფელ რუხში მოხუცთა და ბავშვთა ზრუნვის ცენტრს ააშენებს. ურთიერთთანამშრომლობის მემორანდუმს ხელი, ზუგდიდის მუნიციპალიტეტის მერმა გიორგი შენგელიამ და საქველმოქმედო-ჰუმანიტარული ცენტრი ,,აფხაზეთის“ აღმასრულებელმა დირექტორმა მოაწერეს. ცენტრი, ხანდაზმულებს მულტიპროფილურ სერვისს შესთავაზებს, როგორიცაა დღის ცენტრის მომსახურება, შინმოვლის სერვისი და 24 საათიანი მომსახურება თავშესაფარში. ამავე სახლში მოემსახურებიან ასევე ბავშვებს მოწყვლადი ოჯახებიდან.
ჯამში ცენტრი 100 ბენეფიციარს მოემსახურება. ფუნქციონირების დაწყებას კი 6 თვეში შეძლებს. სერვისებით სარგებლობას აფაზეთიდან გადმოსული მოქალაქეებიც შეძლებენ.