ახალი კორონავირუსით გამოწვეული ეპიდემიური სიტუაციის შედარებით დასტაბილურების გამო, მთავრობამ მიიღო გადაწყვეტილება საგანგებო მდგომარეობით გათვალისწინებული ზოგიერთი შეზღუდვა დაგეგმილზე ადრე, 18 მაისს მოხსნას. გაიხსნება სილამაზის სალონები და ესთეტიკური ცენტრები. ამასთან, მოიხსნება 3 ადამიანზე მეტის შეკრების შეზღუდვა, როგორც ღია, ისე დახურულ სივრცეებში. თუმცა, მიუხედავად ამისა, კვლავ ძალაში რჩება შეზღუდვა, რომელიც კრძალავს ერთ ავტომობილში სამ ადამიანზე მეტის ყოფნას, მიუხედავად იმისა, ოჯახის წევრები არიან, თუ უცხო ადამიანები. ასევე ძალაში რჩება შეზღუდვა, რომლის მიხედვითაც, მძღოლის გვერდით სავარძელი თავისუფალი უნდა იყოს. რასაც საზოგადოების ნაწილი უარყოფითად შეხვდა, ნაწილი კი მიიჩნევს, რომ ეს ექიმებზე და ეპიდემიოლოგების რეკომენდაციებზეა დამოკიდებული.
საქართველოში საგანგებო მდგომარეობა 21 მარტიდან მოქმედებს, ხოლო 30 მარტს ქვეყნანაში კომენდანტის საათი გამოცხადდა.