პანდემიის გამო დაწესებული შეზღუდვები, გეგმის მიხედვით ორკვირიანი ინტერვალებით მოიხსნება. რაც შეეხება სალონებს, მისი გახსნა მეოთხე ეტაპზე იგეგმება, ანუ რვა ივნისიდან. თუმცა აქ მკაცარად უნდა გაითვალისწინონ ყველა ის შესაბამისი რეკომენდაცია, რომელიც საქართველოს სალონების ფედერაციის განცხადებაშია აღნიშნული. მათი თქმით, სილამაზის სალონები საშუალო რისკის მატარებელ ობიეტებს მიეკუთვნება. “ჩვენ მზად ვართ, ვითანამშრომლოთ ნებისმიერ თქვენთაგანთან კონსტრუქციული წინადადებებით და გვერწმუნეთ, ჩვენი ინტერესები თანმხვედრია”,- ნათქვამია საქართველოს სალონების ფედერაციის პრეზიდენტის თამუნა შარაშენიძის განცხადებაში. • წესები, რომელიც სალონებმა უნდა დაიცვან დიდია, ყველაზე მეტად თვალშისაცემია ერთ-ერთი წესი – ხელოსნებსა და მომხმარებლებს შორის ორმეტრიანი მანძილის დაცვა. ქალაქში ერთ-ერთი ყველაზე პოპულარული სალონის „ნეი-არტი“-ის მენეჯერის მოვალეობის შემსრულებელი, სალომე ქირია ამბობს, რომ დაიცავენ და გაითვალისწინებენ ყველა რეკომენდაციას, თუმცა მისთვის გაურკვეველია ორმეტრიანი დისტანციის დაცვა როგორ მოახერხებენ. რამდენად შეძლებენ სალონები აღნიშნული წესების დაცვას, ეს რა თქმა უნდა მეოთხე ეტაპზე გაირკვევა, როცა სალონები სხვა დასესებულებებთან ერთად ფუნქციონირებას განაახლებენ.