ზუგდიდისა და ცაიშის მიტროპოლიტმა გერასიმემ ქადაგებისას იტირა. მეუფემ შეკრებილ მრევლს სააღდგომო წირვის შემდეგ მიმართა, მეუფემ ემოციები ვერ შეიკავა და ატირდა.
მან მადლობა გადაუხადა პატრიარქს, სასულიერო პირებს, სტიქაროსნებს, მგალობლებსა და ექიმებს.
“რაც მთავარია, მინდა მადლობა გადავუხადო ქართველ ერს, რომელმაც აჩვენა მსოფლიოს მაგალითი, აჩვენა, როგორები ვართ, აჩვენა, რომ ერთად დგომა შეგვიძლია. ღმერთმა დაგლოცოთ და გაგახაროთ,” – განაცხადა მეუფე გერასიმემ.
სააღდგომო ღვთისმსახურება ზუგდიდისა და ცაიშის ეპარქიის ტაძრებში დღეს დილის 7:00 საათზე დაიწყო. მრევლი საკათედრო ტაძარში პირბადეებითა და დისტანციის დაცვით იდგა. ადგილზე სამართალდამცავებიც იმყოფებოდნენ. წირვის შემდეგ მეუფემ მრევლს სააღდგომოდ სიმბოლური საჩუქრები გადასცა.