ზუგდიდის რეფერალურ საავადმყოფოში ქალს, რომელსაც ორი დღის წინ კორონავირუსისთვის დამახასიათებელი სიმპტომები აღმოაჩნდა, მკურნალობას ბოქსირებულ პალატაში გადის და ლუგარის ლაბორატორიიდან პასუხები დღეს გახდება ცნობილი.
“ეპიდემიოლოგიური ანამნეზი დატვირთული არ აქვს, არავისთან კონტაქტი არ ქონია. საკეისრო კვეთის შემდეგ, მეორე დღეს განვითარდა ცხელება, რენტგენოლოგიურად ბრონქო-პნევმონია. COVID – თვის დამახასიათებელი სიმპტომატიკა არ აქვს, თუმცა, რადგან აღენიშნება ცხელება, საზოგადოებრივ ჯანდაცვასთან შეთანხმებით, აღებულ იქნა მასალა ვირუსის იდენტიფიკაციის მიზანით”- განაცხადა საავადმყოფოს კლინიკურმა დირექტორმა სულხან ორჟონიამ.
რაც შეეხება ახალშობილს, ჩვილის ჯანმრთელობის მდგომარეობა დამაკმაყოფილებელია, მას კორონავირუსისთვის დამახასიატებელი სიმპტომები არ აღენიშნება და ინტენსიური მედიცინის განყოფილებაშია მოთავსებული.