პანდემიის პირობებში, როცა მსოფლიო ახალი გამოწვევების წინაშე დგას, განათლების სისტემა ურთულეს გზას გადის. პირველი ონლაინგაკვეთილები, დისტანციური სწავლება სკოლებსა და უნივერსიტეტებში, რა გა­მოც­დი­ლე­ბა აქვს ჩვენს გა­ნათ­ლე­ბის სის­ტე­მას დის­ტან­ცი­უ­რი სწავ­ლე­ბის კუთხით და რა ონ­ლა­ინ შე­საძ­ლებ­ლო­ბებს სთა­ვა­ზობს სკო­ლებს. ეს ქიმიის გაკვეთილია, პირველი საჯარო სკოლის პედაგოგი ხათუნა ქვარცხავა ახლა ონლაინგაკვეთილს მეათე კლასის 5 მოსწავლეს უტარებს, გვიხსის,  რომ ჯგუფებში 5-5 მოსწავლეა და ასე უფრო ეფექტური მუშაობა გამოსდის. თუმცა არც სიძნელეებზე ხუჭავს თვალს და დადებით და უარყოფით მხარეებს ასახელებს. გაკვეთილი ონლაინრეჟიმში 15 წუთიანია, მოსწავლეები ამ დროს მაქსიმალურად იტერაქტიულად ერთვებიან პროცესში, ამბობენ, რომ ახლა საუკეთესო გამოსავალი ესაა, რადგან სახლში ყოფნის პერიოდში  მაქსიმალურად გამოიყენონ ერთადერთი შესაძლებლობა, მანამ, სანამ ქვეყანა ჩვეულ ცხოვრების რეჟიმს არ დაუბრუნდება

დისტანციური სწავლებისთვის საქართველოს განათლების სისტემა მზად არ არის, ამაზე პრემიერ-მინისტრმა გიორგი გახარიამ განაცხადა, მისი თქმიტ, ეს ფაქტია და თავი არ უნდა მოვიტყუოთ. პრობლემას ქმნის ის, რომ რეგიონებში ბავშვებს  ელემენტარული ინტერნეტის პრობლემა აქვთ, შესაბამისად სწავლის პროცესიც არაეფექტურია, თუმცა შედარებით უკეთსი მდგომარეობაა ქალაქში.

სწორედ იმიტომ, რომ მოსწავლეების 30%-ზე მეტს ინტერნეტზე წვდომა არა აქვს, განათლების სამინისტრომ მთავრობასთან ერთად ტელეგაკვეთილები დაიწყო, რომელიც პირველი არხის ეთერში 30 მარტიდან გადაიცემა.   საეთერო ბადე (გაკვეთილების ცხრილი) ყველა კლასის საგანს მოიცავს. ეროვნული სასწავლო პროგრამით გათვალისწინებულ ტელეგაკვეთილებს სხვადასხვა საგნის გამოცდილი პედაგოგები ატარებენ, როგორც საჯარო, ასევე კერძო სექტორიდან და მოსწავლეებს „ტელესკოლის“ ფორმატს მორგებულ სასწავლო პროგრამას სთავაზობენ.