საკარანტინო ზონად, სადაც მოქალაქეები 14 დღიან საკარანტინო პერიოდს გაივლიან, სასტუმრო ,,პალმ-ბიჩი”, სასტუმრო ,,ანაკლია” და სასტუმრო ,,პრატაფსი” შეირჩა. ჯამში ანაკლიაში 138 ნომერია, გარდა ამისა ორი საკარანტინო სივრცე მოწყობილია მესტიაში. ამჟამად ანაკლიაში კარანტინში 67 ადამიანი იმყოფება. ანაკლიის მოსახლეობისთვის მთავარ პრობლემას ინფორმაციის ნაკლებობა წარმოადგენს, მათ არ იციან თუ რა კატეგორიის ხალხი განთავსდება საკარანტინო ზონაში.
სამეგრელო-ზემო სვანეთის რეგიონში თვითიზოლაციაში 329 პირი იმყოფება, თვითიზოლაცია მოხსნილი აქვს 63 პირს, კარანტინში იმყოფება 26 ადამიანი, აქედან 13 იძულების წესითაა გადაყვანილი.