საქართველოს სახელმწიფო მინისტრი შერიგებისა და სამოქალაქო თანასწორობის საკითხებში პაატა ზაქარეიშვილი რუსი სამხედროების მიერ აფხაზეთში ოჩამჩირე-ენგურის მონაკვეთზე მიმდინარე რკინიგზის აღდგენით სამუშაოებს ეხმაურება:
,,ეს არის მორიგი ჩიხი, ანუ როგორც ოჩამჩირემდე ჩიხი იყო და იქ არაფერი მოძრაობა არ იყო, მე ვერ ვხედავ რატომ უნდა გააგრძელონ, თუ არა ერთი მიზეზი – რომ პროვოკაციაზე წამოაგონ ქართული საზოგადოების ნაწილი... გრძელდება საოკუპაციო რეჟიმის მიერ ოკუპირებული ტერიტორიების ათვისება, თუმცა ეს ყველაზე არარენტაბელური ჩანს, რადგან მას არანაირი გამოსავალი არ ექნება.თუ, რა თქმა უნდა, მთლიანად გამჭოლი რკინიგზა არ იქნება მთელს საქართველოს ტერიტორიაზე და ამაზე არანაირი მოლაპარაკებები არ მიმდინარეობს’’