პარტია ''ევროპელი დემოკრატების'' ლიდერი პაატა დავითაია აკეთებს განცხადებას, რომ რუსეთის მხრიდან მოსალოდნელია მორიგი პროვოკაციები , რომელთა საბოლოო მიზანია საქართველოს სრულმასშტაბიანი ოკუპაცია, ხოლო მოცემულ ეტაპზე, როგორც მინიმუმ, საოკუპაციო ზოლის გადმოწევა.
აფხაზეთის დე ფაქტო ხელისუფლების მხრიდან ენგურჰესთან დაკავშირებით გამოთქმული პრეტენზიების გახშირება პაატა დავითაიას აძლევს საფუძველს ივარაუდოს, რომ პროვოკაცია შეიძლება დაიწყოს სწორედ აქედან.
ამის შესახებ მან განაცხადა ამერიკის შეერთებულ შტატებში საქართველოს თავდაცვის მინისტრის ვიზიტის კომენტირებისას. ,,რუსული აგრესია ნებისმიერ შემთხვევაში გააქტიურდება, მიუხედავად იმისა, იქნება თუ არა რაიმე შეთანხმება მიღწეული საქართველოსა და მის მოკავშირე ამერიკის შეერთებულ შტატებს შორის. რუსული გეგმის შესახებ თუ რა უნდათ მათ ცნობილია. მათ სურთ ქვეყნის სრულმასშტაბიანი ოკუპაცია და, რა თქმა უნდა,ყველაფერს გააკეთებენ ამისათვის. ახლა მთავარია , რომ ჩვენ ვიყოთ მზად და წინასწარ გადავდგათ ის ნაბიჯები, რომელიც დაცვითი ღონისძიებები იქნება ქვეყნისთვის.’’- აცხადებს პაატა დავითაია