გაუპატიურებაში ბრალდებულ ყოფილ პოლიციელს, წინასწარი პატიმრობა შეეფარდა.
მოსამართლე, ირაკლი აბშილავამ ამ გადაწყვეტილებით სრულად დააკმაყოფილა ბრალდების მხარის შუამდგომლობა, რასაც დაცვის მხარე კატეგორიულად არ იზიარებს.
ბრალდებული აირი დარსალია თავს დამნაშავედ არ მიიჩნევს. როგორც პროცესის დასრულების შემდეგ ადვოკატმა განაცხადა, ისინი გადაწყვეტილებას გაასაჩივრებენ, რადგან ბრალდებული თავს დამნაშავედ არ ცნობს და დანაშაულს არ აღიარებს. პროცესს დაზარალებილის ინტერესების დამცველიც ესწრებოდა. საია-ს იურისტის განცხადებით, ის საქმის ირგვლივ დამატებით დეტალებზე ვერ ისაუბრებს.
ჩხოროწყუელი სამართალდამცავი მამაკაცის გაუპატიურების ბრალდებით დააკავეს. სასამართლო პროცესი დახურულ რეჟიმში გაიმართა.