რუსეთის საგამოძიებო კომიტეტის ცნობით, 12 ნოემბერს სანქტ-პეტერბურგის პუშკინის რაიონში ავტომობილის აფეთქებას სამხედრო მოსამსახურე ემსხვერპლა. უწყებამ მკვლელობის საქმეზე გამოძიება დაიწყო.
გამოცემა Фонтанка წყაროზე დაყრდნობით წერს, რომ მანქანაში რუსი პოლკოვნიკი იმყოფებოდა, რომელიც ავტომობილს თავად მართავდა. თავად კომიტეტს მისი ვინაობა და წოდება არ დაუსახელებია.
ხოლო ადგილობრივი ტელეარხ 78-ის ცნობით, ის რუსეთის სამხედრო-საჰაერო ძალებისა და საჰაერო თავდაცვის მე-6 არმიაში მსახურობდა.