პოლიტიკოსები საკონსტიტუციო სასამართლოში საკადრო ცვლილებებს აფასებენ. მმართველ გუნდში ამბობენ, რომ სასამართლოს გადასაწყვეტია ვინ რა თანამდებობას დაიკავებს.„ყველა საკვანძო თანამდებობებზე დაინიშნება ხალხი იმ პრინციპით, თუ ვის რამდენი ლოიალურობის განცდა აქვს ხელისუფლებისა და უშუალოდ ხელისუფალი ივანიშვილის მიმართ და ეს ინსტიტუტებს ძირს უთხრის,“-აცხადებს დავით დარჩიაშვილი. ოპოზიციაში ფიქრობენ,რომ ლალი ფაფიაშვილი და მერაბ ტურავა ხელისუფლების მიმართ ლოიალური დამოკიდებულების გამო დაინიშნენ სასამართლოს მაღალ პოსტებზე.
საპირისპიროდ საუბრობენ მთავრობაში„ხელისუფლებაში მოსვლის შემდეგ ჩვენ საკანონმდებლო ცვლილებები განვახორციელეთ იმისთვის, რომ სასამართლოში თანამდებობებზე პირთა არჩევა ყოფილიყო სასამართლოს გადასაწყვეტი. უნდა ვენდოთ იმ გადაწყვეტილებებს, რაც მიიღეს მოსამართლეებმა და პატივი უნდა ვცეთ, სხვა დანარჩენი არის პოლიტიკური სპეკულაცია,“-განაცხადა მანანა კობახიძემ.