რუსეთის სანქციების რეჟიმის ფარგლებში დიდმა ბრიტანეთმა დღეს საქართველოს ოთხი მოქალაქე: კახა კალაძის ცოლის და პაატა აბულაძე, მამუკა ფიფია, ნიკოლოზ მჟავანაძე და გიორგი ირემაძე დაასანქცირა. ბრიტანეთის მთავრობის განცხადებით, მიზეზი პროკრემლისტური დეზინფორმაციის გავრცელებაა. სანქციები მოიცავს აქტივების გაყინვას, დიდ ბრიტანეთში მოგზაურობის აკრძალვასა და სხვა ფინანსურ შეზღუდვებს.
“დღევანდელი პაკეტი მოიცავს შვიდ ფიზიკურ პირს – მათ შორის საქართველოს ოთხ მოქალაქეს – რომლებიც ჩართულნი იყვნენ პროკრემლისტური დეზინფორმაციის გავრცელებაში, უკრაინის ტერიტორიის რუსული ოკუპაციის ლეგიტიმაციიდან დაწყებული, ოკუპირებულ სამხრეთ ოსეთში რუსეთის მიერ დანიშნულ ხელისუფლებაში საქმიანობით დამთავრებული“ ნათქვამია ბრიტანეთის მთავრობის განცხადებაში