,,გალის რაიონის აფხაზურ ადმინისტრაციას განზრახული აქვს საქართველოს მიერ კონტროლირებად ტერიტორიაზე გადასვლა აუკრძალოს ენგურჰესის თანამშრომლებს, რომელთაც დავალიანება აქვთ საშემოსავლო გადასახადებში, ეს შეეხება რაიონის 630 – მდე მცხოვრებს – განაცხადა ადმინისტრაციის ხელმძღვანელმა თემურ ნადარაიამ
,,მე ამ საკითხზე ვესაუბრე აფხაზეთის სახელმწიფო უშიშროების საბჭოს თავმჯდომარეს, გენერალ ზურაბ მარღანიას. არავისა აქვს უფლება თავი აარიდოს საშემოსავლო გადასახადებს. ჩვენ ამ სიას გადავცემთ სასაზღვრო სამმართველოს, რომ გადაკეტონ საზღვარი ურჩი გადამხდელებისათვის.
მისი თქმით, ამას არა აქვს კავშირი ქართულ მხარესთან მიმდინარე მოლაპარაკებებთან ენგურჰესის სტატუსის შესახებ.
ეს მე არ მეხება, ამაში არ ვერევი. ჩემი მიზანია დავიცვა რაიონის ინტერესები. სიაში არიან გალის ის მცხოვრებლები, რომელთაც კარგი გზებიც უნდათ, ხარისხიანი სასმელი წყლის მიღებაც, მაგრამ მანეთის გადახდაც არ უნდათ ბიუჯეტში. ასე არ გამოვა. გადასახადებს იხდიან ყველგან, სდაცა ადამიანები ცხოვრობენ და მუშაობენ, მიუხედავად იმისა, საიდან მოდის ეს ფული – განაცხადა ნადარაიამ.