ოპოზიცია და სამოქალაქო აქტივისტები პარლამენტის შენობასთან საპროტესტო აქციას მართავენ და პრემიერ-მინისტრის პოსტზე გიორგი გახარიას კანდიდატურის წარდგენას აპროტესტებენ. მათი თქმით, შინაგან საქმეთა მინისტრი, რომელმაც 20 ივნისს თავის ხალხს „გავრილოვის სისხლიანი ღამე“ მოუწყო, კი არ უნდა დააწინაურონ, არამედ პასუხისმგებლობა დააკისრონ.
ოპოზიცია გიორგი გახარიას მთავრობის მეთაურად წარდგენაში რუსულ კვალს ხედავს. ხელისუფლების ოპონენტების თქმით, გახარიას გაპრემიერებით ქვეყანაში რუსული გავლენები კიდევ უფრო გაძლიერდება და საქართველო დაშორდება ევროპასა და ნატოს.