ოდესის ახლადდანიშნული გუბერნატორი მიხეილ სააკაშვილი აცხადებს, რომ მისი მთავარი უპირატესობა ახლანდელ პოსტზე არის ის, რომ იგი არანაირად არ არის დაკავშირებული უკრაინის ფინანსურ ჯგუფებთან და ოლიგარქებთან.
ჩემზე ძალაუფლება არც ერთ ჯგუფს არა აქვს – ჩემთვის ყველა ერთია, ისინი საერთოდ არ მაღელვებენ. მე აქამდე ისე ვიცხოვრე, რომ ფული არავისგან მიმიღია, არავისთან შევსულვარ გარიგებაში და ამ მხრივ თავს ძალიან მშვიდად ვგრძნობ ახლაც,- განაცხადა საქართელოს ყოფილმა პრეზიდენტმა.
მან აღნიშნა, რომ შეიძლება ხელი ჩამოართვას ასეთი ჯგუფების წარმომადგენლებს და მოლაპარაკების მაგიდასაც მიუჯდეს მათთან, მაგრამ საქმეში მათთან არასოდეს შევა. მისი თქმით, რგორც კი ხელისუფლების წარმომადგენელი კორუმპირებული სამთავრობო მოხელეებისა და ოლიგარქიული დაჯგუფებების ინტერესებისათვის ანგარიშის გაწევასა და გაროგებებს იწყებს, მას აღარც დრო რჩება და აღარც შემართება და შესაძლებლობა ემსახუროს ხალხს.’’
ეს ორი რამ გამორიცხავს ერთმანეთს, რადგან, როგორც კი ნებისმიერ ოლიგარქიულ ჯგუფთან თუნდაც მცირე კომპრომისზე წახვალ, უფლებას მისცემ თვალი ჩაგიკრან, შემდეგ პატარა ძღვენი მოგართვან, შემდეგ მათთან ერთად გაფრინდები სადმე, იახტით გაისეირნებ და ყოველივე ამის შემდეგ შენს სახელზე გახსნილი ოფშორული ანგარიშიც აღმოგაჩნდება, მორჩა: შენი, როგორც ადამიანის, როგორც სახელმწიფო მოღვაწის ამბავი დამთავრებულია. ამიტომ მებრალება ადამიანები, რომელნიც გაიყიდნენ – ასკვნის ოდესის ოლქის ხელმძღვანელი.
საინფორმაციო სააგენტო ,,ოდესა- მედია’’