მმართველი გუნდის მიერ მხარდაჭერილ პრეზიდენტობის კანდიდატ სალომე ზურაბიშვილს თანხა „ქართული ოცნების“ თავმჯდომარის, ბიძინა ივანიშვილის ძმამ და თბილისის მერმა კახა კალაძემაც შესწირეს.

 

სახელმწიფო აუდიტის სამსახურის ვებ-გვერდზე გამოქვეყნებული ინფორმაციით, ალექსანდრე ივანიშვილმა 3 ოქტომბერს სალომე ზურაბიშვილს 45 000 ლარი, კახა კალაძემ კი 1-ელ ოქტომბერს 50 000 ლარი შესწირეს.

 

აღნიშნულის გარდა, ოქტომბერში სალომე ზურაბიშვილის სასარგებლოდ კიდევ რამდენიმე ათეული მსხვილი შემოწირულებაა განხორციელებული, მათ შორის შემდეგი კერძო პირების მიერ: ხათუნა ჯაყელი – 5 000 ლ; შორენა ჭანკვეტაძე – 9 000; ქეთევან ხარაიძე 5,000 ლ; ფიქრია კამლაძე – 5,000; სოფიო თამაზაშვილი – 10,000 ; სერგო გალუსტიანი – 60,000 ლ; რევაზ სულუხია – 10,000; პალიკო კინტრაია – 10,000; ნინო აქიაშვილი – 5,000 ლ; ნიკოლოზ კინტრაია – 20,000 ლ; ნიკა მერაბიშვილი – 60,000 ლ; ნატა ყაზახაშვილი – 50,000 ლ; მერი მაღრაძე – 5,000 ლ; მერაბ ზუმბაძე – 5,000 ლ; მარინე არჩვაძე – 5,000 ლ; მარიკა ზარდიაშვილი – 5,000 ლ.

 

შეგახსენებთ, რომ სექტემბერში სალომე ზურაბიშვილმა შემოწირულების სახით 332,245 ლარი მიიღო. აღსანიშნავია, რომ 84-მა შემომწირველმა პრეზიდენტობის კანდიდატს 30-30 თეთრი გადაურიცხა.