,,თავისუფალი დემოკრატების" ლიდერი ირაკლი ალასანია აცხადებს, რომ ირაკლი შოთაძე მთავარ პროკურორის პოსტზე პოლიტიკური დაკვეთის შესრულების სანაცვლოდ დააწინაურეს და ამ პროცესის მონაწილე იუსტიციის მინისტრი თეა წულიკიანიც არის. ,, ძალიან სამწუხაროა, რომ ის ამ სიყალბისა და ფარსის ნაწილი გახდა", – აღნიშნავს ირაკლი ალასანია.
თეა წულუკიანი ყოფილი თანაგუნდელის განცხადებას ჩვეული აპლომბითა და ლექსიკით ეხმაურება: ,,ძალიან ვწუხვარ, მხოლოდ და მხოლოდ იმის გამო, რომ მე ირაკლი ალასანიას, როგორც პარტიის წევრი სისულელეში გვერდით არ დავუდექი, მიმაკუთვნა ქართველების იმ ჯგუფს, რომლებსაც ის უხარისხო ქართველებს ეძახის. მე ვისურვებდი, რომ ირაკლი ალასანიამ თავისი პარტია "რეალ ტვ"-ს არ დაამსგავსოს, გააძლიეროს და ღირებულებებზე ესაუბროს საზოგადოებას, ამომრჩეველს და არა რომელიმე ერთ მინისტრს, რადგან პარტიის რეიტინგი დამტკიცდება არჩევნების დღეს"
თეა წულუკიანის განცხადებით, ძალიან ბევრს ანერვიულებს ის ფაქტი, რომ საქართველოს ჰყავს 6 წლით არჩეული, პარლამენტის მიერ ნდობაგამოცხადებული მთავარი პროკურორი.,,, ვისაც ეს ანერვიულებს, ეს მისი პრობლემაა, მაგრამ ვინც ნერვიულობს, კარგია, თუ სასამართლო დარბაზში დაამტკიცებს საკუთარ სიმართლეს.''