დავით ნარმანიას ორი საზოგადოებრივი ტუალეტისათვის 100 ათასი ლარისა და მილიონი ლარი ჯებირების გასაკეთებლად ბიუჯეტიდან გამოყოფილ თანხებზე კონკრეტული პასუხი არა აქვს.
ქალაქის მერი ამბობს, რომ დედაქალაქის მთავრობის მთავარი მიზანი გამჭვირვალე ბიუჯეტია.
„ჩვენი მთავარი ამოცანაა ბიუჯეტის მაქსიმალური გამჭვირვალობა. შესაბამისად, ბიუჯეტი წარმოდგენილია პროგრამული ფორმით და პროგრამული ფორმებიდან ყველას შეუძლია, აიღოს დეტალური ინფორმაცია იმასთან დაკავშირებით, თუ როგორია ჩვენი ბიუჯეტი და რა კონკრეტული ამოცანის განხორციელებას ემსახურება,“- აცხადებს დავით ნარმანია.
დედაქალაქის მერი, დავით ნარმანია, ბიუჯეტის წარდგენას პირადად აპირებს და საკრებულოს დეპუტატების კითხვებზე საპასუხოდ მისვლას გეგმავს.