„კოალიცია ცვლილებისთვის“ ერთ-ერთი ლიდერი, ელენე ხოშტარია, სოციალურ ქსელში სახელმწიფო პოლიტიკური თანამდებობის პირის შეურაცხყოფისთვის სასამართლომ 4000 ლარით დააჯარიმა. გადაწყვეტილება მოსამართლე დავით თეთრაულმა მიიღო.
სასამართლოს გადაწყვეტილებითვე, ხოშტარიას 3 წლით იარაღის ტარების უფლება ჩამოერთვა. პროცესს არც თავად პოლიტიკოსი და არც მისი ადვოკატი დასწრებიან.
შინაგან საქმეთა სამინისტრო ხოშტარიას ადმინისტრაციულ სამართალდარღვევათა კოდექსის 173⁻16 პრიმა მუხლის დარღვევას ედავებოდა, რომელიც სახელმწიფო თანამდებობის პირის შეურაცხყოფას ითვალისწინებს. აღნიშნული მუხლი 1500-დან 4000 ლარამდე ჯარიმას ან 45 დღემდე ადმინისტრაციულ პატიმრობას განსაზღვრავს.