ბათუმის სასამართლომ დაკავებული ჟურნალისტი, მზია ამაღლობელი ადმინისტრაცულ სამართალდამრღვევად ცნო და სტიკერის გაკვრის გამო, 1000 ლარით დააჯარიმა. გადაწყვეტილება ცოტა ხნის წინ მოსამართლე მარიანა ფომაევამ გამოაცხადა. სხდომას მზია ამაღლობელი არ ესწრებოდა.
დღევანდელი პროცესისთვის შინაგან საქმეთა სამინისტრომ იურისტი, მარიამ კერესელიძე საგანგებოდ თბილისიდან მოავლინა. სხდომაზე გამოიკითხა პოლიციელი ნოდარ ზენაიშვილი, რომლის სახელი და გვარი არაერთი აქტივისტის დაკავების საქმეში გვხდება.
შსს მზია ამაღლობელს 11 იანვარს აქციაზე პოლიციელის შეურაცხყოფას ედავებოდა და წარმოება 173-ე მუხლით იყო დაწყებული, ის ამ საქმეზე 2000 ლარით დააჯარიმეს.
მოგვიანებით, მზია ამაღლობელის წინააღმდეგ კიდევ ერთი ახალი ადმინისტრაციული საქმე დაიწყო – ამჯერად, 150-ე მუხლის პირველი ნაწილით, კერძოდ, შსს მზია ამაღლობელს პოლიციის დეპარტამენტის წინ, დამხმარე ნაგებობაზე სტიკერის გაკვრას ედავებოდა. სტიკერზე ეწერა: „იფიცება საქართველო”.