ევროპარლამენტი გმობს 21 წლის აქტივისტის, მათე დევიძისთვის ოთხი წლითა და ექვსი თვით თავისუფლების აღკვეთას და “ქართულ ოცნებას” მოუწოდებს პროევროპული აქციების მონაწილე დაუყოვნებლივ და უპირობოდ გაათავსიუფლოს.

დოკუმენტში წერია, რომ საპატიმროდან უნდა გათავისუფლდნენ პოლიტიკური ლიდერები:

გმობს 21 წლის აქტივისტ მათე დევიძისთვის ოთხი წლითა და ექვსი თვით თავისუფლების აღკვეთას და მოითხოვს მის დაუყოვნებლივ და უპირობო გათავისუფლებას, ასევე ზურაბ „გირჩი“ ჯაფარიძის, ნიკა მელიას და ნიკა გვარამიას; გმობს ნაციონალური მოძრაობის თავმჯდომარის, თინა ბოკუჩავას ქმრის სავარაუდო ძალადობრივ გატაცებას და მისი შვილების უსაფრთხოებისთვის მუქარის შესახებ გავრცელებულ ინფორმაციას; მოუწოდებს დაუყოვნებლივ და ეფექტურად გამოიძიოს ეს ქმედებები და თავიდან აიცილოს დაუსჯელობის კლიმატი; კიდევ ერთხელ მოუწოდებს ევროკავშირის წევრ სახელმწიფოებს, დააწესონ კოორდინირებული ორმხრივი სანქციები „ქართული ოცნების“ რეჟიმისა და მისი ხელშემწყობი პირების წინააღმდეგ, მათ შორის მზია ამაღლობელის პოლიტიკურად მოტივირებული დაპატიმრების, დაკავებისა და სასამართლო პროცესის პასუხისმგებელი პირების წინააღმდეგ, – ნათქვამია ევროპარლამენტის რეზოლუციის პროექტში, რომელსაც 19 ივნისს უყრიან კენჭს.