პრეზიდენტის მრჩევლის გიორგი კვერენჩხილაძის ინფორმაციით, გიორგი მარგველაშვილი მზად არის შეუწყვიტოს მიხეილ სააკაშვილს საქართველოს მოქალაქეობა თუ ამის შესახებ მას დასკვნას და რეკომენდაციას გადაუგზავნიან.
„მოქალაქეობის შესახებ საქართველოს კანონმდებლობა დაუშვებლად მიიჩნევს საქართველოს მოქალაქის მიერ უცხო ქვეყნის მოქალაქეობის მიღებას. რაც შეეხება ამ კონკრეტულ შემთხვევას, საქართველოს მოქალაქის მიერ უცხო ქვეყნის მოქალაქეობის მიღება გახლავთ უპირობო საფუძველი ამ პირისთვის საქართველოს მოქალაქეობის შეწყვეტის.
ამგვარი განცხადებები მოქალაქეობის შეწყვეტის თაობაზე ისუტიციის სამინისტროდან თვის განმავლობაში ასეულობით შემოდის პრეზიდენტის ადმინისტრაციაში. შესაბამისად, პრეზიდენტი მიიღებს იმავე გადაწყვეტილებას, რასაც იგი იღებს ანალოგიური საფუძვლით საქართველოს სხვა მოქალაქეების შემთხვევაში, ანუ შეუწყვეტს ყოფილ პრეზიდენტს საქართველოს მოქალაქეობას“, – განაცხადა კვერენჩხილაძემ.