დღეს დილით რუსმა ოკუპანტებმა ხერსონი დაბომბეს, რის შედეგადაც ორი მშვიდობიანი მოქალაქე დაიღუპა, ერთი კი დაშავდა. ხერსონის სამხედრო ადმინისტრაციის უფროსის, რომან მროჩკოს ინფორმაციით, დაზიანდა შენობა და მანქანები.
რეგიონული ადმინისტრაციის უფროსი, ალექსანდრ პროკუდინი კი ამბობს, რომ გასული 24 საათის განმავლობაში მტერმა ხერსონზე 51 შეტევა განახორციელა და 323 ჭურვი გაისროლა. ოკუპანტების სამიზნეს საცხოვრებელი კვარტლები წარმოადგენდნენ. რუსული აგრესიის შედეგად გუშინ ხერსონში ჯამში 6 ადამიანი დაშავდა. მათ შორის, ერთი ბავშვი იყო.