ცაჰალი ანადგურებს ჰამასის ინფრასტრუქტურასა და იარაღის იმ საცავებს, რომლებიც სახმელეთო ოპერაციის მიმდინარეობისასაა აღმოჩენილი.
ამასთან, ქალაქი ღაზა ალყაშემორტყმულია ცაჰალის მიერ, ისრაელის თავდაცვის ძალები ქალაქის ჩრდილოეთ ნაწილში იმყოფებიან და პოზიციები უჭირავთ. ცაჰალის ხელმძღვანელობა აცხადებს, რომ ომის “უმნიშვნელოვანესი ეტაპი” უკვე გავლილია.
ბოლო საათების განმავლობაში, ღაზაში მიმდინარე სახმელეთო ოპერაციის მსვლელობისას, 130-ზე მეტი ტერორისტია ლიკვიდირებული. ისრაელის სამხედრო თვითმფრინავებმა და ვერტმფრენებმა იმ შტაბებსაც შეუტიეს, რომლებიც ჰამასის მაღალჩინოსნების მიერ გამოიყენებოდა, როგორც თავშესაფარი და სადაც მიმდინარეობდა მნიშვნელოვანი პოლიტიკური და სამხედრო პროცესების განხილვა, ასევე, იგეგმებოდა შემდგომი თავდასხმები ისრაელზე.
პროცესში ჩართული იყო ისრაელის სამხედრო-საზღვაო ზალების ხომალდიც, რომელიც უტევდა ჰამასის ადმინისტრაციულ შენობებსა და სამეთვალყურეო პუნქტებს.