სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე -ევროპარლამენტმა საქართველოზე რეზოლუცია მიიღო

0
66

425 მომხრე – 25 წინააღმდეგი – რამდენიმე წუთის წინ, ევროპარლამენტმა საქართველოს შესახებ რეზოლუცია მიიღო 5-ვე ჩასწორებით. მათ შორის ამ დოკუმენტით ევროდეპუტატები ევროკომისიიგან ბიძინა ივანიშვილის დასანქცირებას მოითხოვენ, ასევე დაყენებულია პოლიტიკური პატიმრობიდან მიხეილ სააკაშვილის გათავისუფლების საკითხი. ასევე, დეპუტატები ევროკომისიისგან მოითხოვს გადაიხედოს ქვეყანასთან ვიზალიბერალიზაციის პირობები.

მთავარი, რაც დოკუმენტში წერია, არის ის რომ ქვეყანა ვერ გადავა მოლაპარაკებების ეტაპზე “ოცების” მიერ ინიცირებული რუსული კანონი დამტკიცებული იქნება საქართველოს პარლამენტის მიერ.

შესწორებები ორ პოლიტიკურ გუნდს ჰქონდა დარეგისტრირებული – “ევროპელი კონსერვატორებისა და რეფორმისტების” და “განახლების” ჯგუფებს.

„ევროპელი კონსერვატორებისა და რეფორმისტების“ შესწორება ორ პუნქტს მოიცავს:

ევროკავშირის საბჭოსა და ევროკავშირის პარტნიორებს მოუწოდებს, დაუწესონ სანქციები ბიძინა ივანიშვილს, რომელიც „კიდევ ერთხელ ცდილობს, ძირი გამოუთხაროს ქვეყნის დასავლურ კურსს რუსეთისკენ გადახრის სასარგებლოდ“ და „რომელიც საკუთარი ხალხის ინტერესების წინააღმდეგ მოქმედებს“;
ხელახლა მოუწოდებს საქართველოს ხელისუფლებას, პატიმრობიდან გაათავისუფლონ ექსპრეზიდენტი მიხეილ სააკაშვილი.

„განახლების“ შესწორება კი სამ პუნქტს მოიცავს:

ევროპარლამენტი მოუწოდებს ევროკომისიას, შეაფასოს „აგენტების კანონის“ გავლენა საქართველოს მიერ ვიზალიბერალიზაციის კრიტერიუმების შესრულებაზე, განსაკუთრებით, ფუნდამენტური უფლებების ნაწილში, – „რაც ევროკავშირთან სავიზო ლიბერალიზაციის პოლიტიკის უმნიშვნელოვანესი კომპონენტია“.
მოუწოდებს „ქართულ ოცნებას“, გაიწვიოს საკონსტიტუციო ცვლილებების სახით ინიციირებული პროექტი, რომელიც „ზღუდავს ლგბტიქ უფლებებს და არის თავდასხმა არამხოლოდ ლგბტიქ თემზე, არამედ, სიტყვის თავისუფლებასა და თავისუფალ სამოქალაქო საზოგადოებაზე“.
მოუწოდებენ საქართველოს ხელისუფლებას, გაათავისუფლოს მიხეილ სააკაშვილი „ჰუმანიტარული საფუძვლით და მისცენ საზღვარგარეთ მკურნალობის შესაძლებლობა“

წინა სტატიარუსული კანონის საწინააღმდეგო აქციაზე დაკავებული სანდრო ჯოხაძე სასამართლომ 2 200 ლარით დააჯარიმა
შემდეგი სტატიასრული კატასტროფა – რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს – ნიკა გვარამია
ტელეკომპანია ოდიშის საინფორმაციო სამსახური