ფინეთის მიერ სასაზღვრო პუნქტების დახურვის შემდეგ, რუსული გადამზიდავები სხვა ქვეყნებს, მათ შორის საქართველოს იყენებენ TASS

0
88

ფინეთის მიერ რუსეთთან 4 სასაზღვრო გადასასვლელის დაკეტვის შემდეგ გადამზიდავებმა მარშრუტები შეცვალეს და მათ შორის საქართველოს გავლით გადაადგილდებიან. ამის შესახებ რუსულ სახელმწიფო პროპაგანდისტულ მედია TASS-ს სატვირთო საგზაო ტრანსპორტის ეროვნული ასოციაციის პრეზიდენტმა, ვლადიმერ მატიაგინმა განუცხადა.

“როდესაც ეს სიტუაცია დაიწყო, სატვირთო მანქანები სხვა მარშრუტებზე გადავიყვანეთ, გადამზიდველებს არანაირი პრობლემა არ ჰქონიათ, რადგან ზიანი კომპენსირდება სხვა მიმართულებებით, მაგალითად, შიდა, ეს არის მოსკოვი და ახალი ტერიტორიები, თუ საგარეო მარშრუტებს ავიღებთ, ეს არის საქართველო, ყაზახეთი, ყირგიზეთი, ჩინეთი, თურქეთი, ირანი. ეს მარშრუტები ახლა უფრო მოთხოვნადი იქნება. ყველა სამხრეთ აზიური მარშრუტი ამჟამად დატვირთულია”, – განაცხადა მატიაგინმა.

ფინური გაზეთი Iltalehti წყაროებზე დაყრდნობით იტყობინება, რომ ფინეთის ხელისუფლება 22 ნოემბრის ღამით რუსეთთან მთელი საზღვრის დაკეტვას გეგმავს. 17-18 ნოემბრის ღამეს ფინეთმა დახურა ოთხი სასაზღვრო გამშვები პუნქტი აღმოსავლეთ საზღვარზე – ვაალიმაა, ნუიჯამაა, იმატრა და ნიირალა.

წინა სტატიაეს საკითხი უნდა დაიხუროს, 6-მა ოპოზიციურმა პარტიამ თქვა, რომ 5%-იან ბარიერთან პრობლემა არ აქვთ პაპუაშვილი
შემდეგი სტატიაგაუქმდა საკლასო, საშინაო და შემაჯამებელი მოდელები ცვლილებები ეროვნულ სასწავლო გეგმაში
ტელეკომპანია ოდიშის საინფორმაციო სამსახური