თბილისის საქალაქო სასამართლოში მიხეილ სააკაშვილის დედა, გიული ალასანიამ ცენტრ “ემპათის” დასკვნაზე ისაუბრა და თქვა, რომ მის მომზადებაში საქართველოდან მაღალკვალიფიციური ექსპერტები იყვნენ ჩართული და დოკუმენტში აღნიშნულ დიაგნოზებზე ერთხმად შეთანხმდნენ.
ამასთანავე გული ალასანიას თქმით, ყველამ კარგად იცის როგორი იყო მიხეილ სააკაშვილის მდგომარეობა “ვივამედში” შეყვანამდე და როგორ მძიმდება მისი ჯანმრთელობა დღითიდღე.
“საქართველოდან იყო ძალიან მაღალი დონის სპეციალისტები და ასე თუ ისე, ისინი შეთანხმდნენ იმ დიაგნოზებზე, რომელიც არის. გარდა ამისა, ჩვენ ხომ გვახსოვს მიხეილ სააკაშვილი როგორ მდგომარეობაში შემოვიდა ამ დაწესებულებაში. ფეხზე იდგა. ნორმალური ადამიანი იყო. ახლა ეტლში ზის და ორ ნაბიჯზეც ვეღარ გადაადგილდება. გუშინ ძლივს ჩავსვი იმ ეტლში, წარმოიდგინეთ და მე მეუბნებიან, რომ ეს არის საშუალო სიმძიმის ავადმყოფი?”,- ამბობს გიული ალასანია.
ჟურანლისტების კითხვაზე, უშვებს თუ არა, რომ სამხარაულის ექსპერტიზის დასკვნა გაყალბებუალია, გიული ალასანია პასუხობს: “არ ვიცი, ვერაფერს გეტყვით, ჯერჯერობით. ის რაც მოვისმინე, იყო ძალიან ზედაპირული და ძალიან არადამაჯერებელი”.
შეგახსენებთ, რომ დიდი ალბათობით, დღევანდელ პროცესზე ბრალდების მხარე სასამართლოს სამსახურლის ექსპერტიზის ეროვნული ბიუროს დასკვნას წარუდგენს, რომელიც იუსტიციის სამინისტროს დავალებით შეასრულეს.
მიხეილ სააკაშვილის ადვოკატები კი სასამართლოს, ცენტრ ,,ემპათიას” დასკვნის ახალ ნაწილს წარუდგენენ, რომელშიც აღწერილია ახალი გარემოებები მიხეილ სააკაშვილის ჯანმრთელობის დამძიმებული მდგომარეობის შესახებ.