საქართველოს საპატრიარქო განცხადებას ავრცელებს და უარყოფს გავრცელებულ ინფორმაციას, თითქოს საქართველოში რუსეთის ეკლესიის მაღალი იერარქის, მიტროპოლიტ ანტონის ვიზიტი იგეგმება.
“ვრცელდება ინფორმაცია, თითქოს დაგეგმილია რუსეთის მართლმადიდებელი ეკლესიის საგარეო საქმეთა განყოფილების ხელმძღვანელის, ვოლოკოლამის მიტროპოლიტ ანტონის (სევრიუკი) ვიზიტი საქართველოში, რაც სიმართლეს არ შეესაბამება, მსგავსი რამ საქართველოს საპატრიარქოში არ იგეგმება.
გარდა ამისა, აღვნიშნავთ, რომ სრულიად საქართველოს კათოლიკოს-პატრიარქ ილია II-ის საიუბილეო თარიღებთან დაკავშირებით, ზოგადად არ იგეგმება უცხოეთიდან სტუმრების, მათ შორის, დელეგაციების თუ ცალკეული საერო ან სასულიერო პირების მიღება,” – აღნიშნულია საპატრიარქოს განცხადებაში.